Yagura日本餐廳 (已結業)

正所谓新一年新开始，要食D新野迎接下2017年嘅来临！于是黎左试下日式新年便当盒，佢有个好靓嘅名，叫「正月御节料理」。以前都听过日本人新年系会食呢D便当盒做意头食品，有团圆嘅吉祥寓意，迎接新一年，亦都知道有D日本餐厅或者酒店会做，但价钱就并不是个个接受到，郁D都可能要$600-$1000一个，所以就一直都冇试过。直到今年见到Yagura有做，仲要只系$188一个，咁真系冇办法唔试下喇！其实成个便当盒都劲大堆头，有虾、栗子、黑豆、伊达卷、红白鱼板、烧三文鱼、鱼生饭、沙律等等其他，仲有个金箔萝卜花汤，入面有金箔粉，一搞起个汤就闪闪下咁，感觉几矜贵，不过影相就冇睇得咁清楚所以冇影到 XDDD其实overall每样食物都不俗，味道同新鲜程度都唔错，最欣赏系个烧三文鱼，烧得好香；可惜系栗子偏硬，食落口感一般.....不过以呢个价钱，有咁大堆头同咁精致嘅新年便当盒，一攞上黎我地个个都哗左声，无疑系非常吸睛，都值回票价嘅，可以一试！