Samsen 泰麵

营业中

休息中

近排啲同事讲起喺湾仔食过一间泰国菜，佢地形容为”就算大排长龙都值得等”。咁啱呢排又想食泰国嘢又去开港岛呢头，就决定试吓呢间餐厅。我哋特登早啲去，因为知道七点之后都一定会多人，点知都要等位。眼见前面都有七至八张枱要等，好彩待应同我地讲话有位会打俾我哋，所以我地去附近行左阵。呢个service都唔错，最后我哋等左30分钟度就可以入座。间餐厅嘅装修都算简朴，亦见到好多怀旧嘅摆设，令你觉得好似去咗外国一样。我哋order左最多人叫嘅和牛船面。碗面好快送到，骤眼望落去见到个汤好浓郁，碗面都好足料。事后上网睇返先知原来浓汤系以猪肉、猪血同牛血熬足两个几钟先完成，唔怪之得个味可以咁Rich。至于船面里面嘅和牛、牛腩肉质到好腍。牛丸亦冇得输。虽然碗面嘅定价系比较贵，但系食到出边食唔到嘅味道我觉得都值得。除咗船面我地都叫左pad thai，虽然都好食，但系一定冇和牛船面咁惊喜。