Bamboo Thai (朗豪坊)

营业中

休息中

💡不一样的泰菜难得平日放假，当然要出去食下野开心下，泰国餐就系必然之选，呢个装修以木和竹为主调，环境舒服的泰国餐厅🇹🇭，食物款式多，味道不错，最紧要位置够好方便👍🏼🍽冬荫公汤🍲重口味既汤底，好浓味，酸辣味好平均，入面有大虾、秀珍菇、 香茅等等，够闷开胃。🍽泰式蛋咖喱炒皇帝虎虾🦐呢个组合第一次见，份量十足，蛋咖喱十分浓厚带少少香辣，加左花奶仲带椰香甜味，越南虎虾大大只 ，经炸过后，虾肉仍然弹牙。配埋个白饭就一流😂🍽 泰式大虾炒金边粉🦐 份量都几多，大虾好弹牙爽口，金边粉干身烟韧弹牙，另外可以按个人喜好添加花生碎同辣椒碎，食落特别惹味可口。🍽 飞天通菜🥬通菜新鲜爽脆，带点微辣，镬气十足，好惹味。 🍽芒果糯米饭🥭食泰国野又点可以唔食芒果糯米饭，芒果香甜，暖笠笠糯米饭口感黏糯，加上椰浆同香甜既芒果，食到椰子的脆脆，好滋味。🍽泰式奶茶奶香味浓，饮落好顺滑。🍽椰青🥥食完辣野，最岩就系饮番个椰青解渴，够晒清甜，好饮。