影片
更多
2014-11-29
906 浏览
睇杂志得知铜锣湾新开间特色和牛食店，故特意唻一试 ( 仲咁啱撞见王敏德坐隔离枱添)。新店坐落铜锣湾时代广场附近嘅耀华街，唔难揾。店内唔大，可容纳大概20客人，装修简单，半开放式厨房，但亦唔会太大油烟。由于见隔离枱碟饭个样普普通通(饭面就咁舖上几块和牛)，所以就拣咗原味和牛汉堡($88)同烧汁和牛汉堡($9x)试试。汉堡卖相唔错，面包够新鲜香口，配上生菜，蕃茄，洋葱及免治和牛，肉质松软，肉味浓，冇根，且味道唔会过咸，真系唔错！稍嫌洋葱切得麻麻，一抽藕断丝连咁，一咬就拖哂跌哂出唻，好难一口一口食，食得有啲狼狈。另外，烧汁和牛汉堡较油，好在店员好细心，预先比定汉堡袋，未至于食到成枱都系。伴碟配上薯条切得好好好幼身，所以宁卸脆口，且唔会过咸，份量好足，差唔多食哂成碟。试埋甜品Tiramisu东京卷旦蛋糕(共有绿茶，南瓜红豆及Tiramisu三种)，$32一件，但size偏细件，蛋糕质地超松软，内卷有忌廉，唔会太甜，好味，但完全冇Tiramisu或朱古力味，唔明点解叫做Tiramisu味？饮品试咗店内Highly recommend嘅日本珈啡($24)，但一如普遍日本咖啡，质哋较薄(稀)，但味道
新店坐落铜锣湾时代广场附近嘅耀华街，唔难揾。店内唔大，可容纳大概20客人，装修简单，半开放式厨房，但亦唔会太大油烟。
由于见隔离枱碟饭个样普普通通(饭面就咁舖上几块和牛)，所以就拣咗原味和牛汉堡($88)同烧汁和牛汉堡($9x)试试。
汉堡卖相唔错，面包够新鲜香口，配上生菜，蕃茄，洋葱及免治和牛，肉质松软，肉味浓，冇根，且味道唔会过咸，真系唔错！稍嫌洋葱切得麻麻，一抽藕断丝连咁，一咬就拖哂跌哂出唻，好难一口一口食，食得有啲狼狈。另外，烧汁和牛汉堡较油，好在店员好细心，预先比定汉堡袋，未至于食到成枱都系。
伴碟配上薯条切得好好好幼身，所以宁卸脆口，且唔会过咸，份量好足，差唔多食哂成碟。
试埋甜品Tiramisu东京卷旦蛋糕(共有绿茶，南瓜红豆及Tiramisu三种)，$32一件，但size偏细件，蛋糕质地超松软，内卷有忌廉，唔会太甜，好味，但完全冇Tiramisu或朱古力味，唔明点解叫做Tiramisu味？
饮品试咗店内Highly recommend嘅日本珈啡($24)，但一如普遍日本咖啡，质哋较薄(稀)，但味道尚可。
整体食物质素中规中矩，纯粹A5和牛食材够真材实料，以咁嘅价钱唻讲 (坊间一般西式店咁嘅size嘅普通汉堡都系咁上下价钱)，绝对一试无妨 。
张贴
