影片
更多
2019-11-05
42 浏览
星期六同呀妈去咗黄大仙行街，行下行下去咗现崇山𠮶边，地面𠮶层有几间食肆有露天位，呢个季节坐出面都几舒服唔会热，如果早啲应该会见到狮子山添，但我嚟到已经够钟食晚餐🌘。餐厅内外都有唔少位，6点半到开始好爆场，食物中式小菜同西式扒餐意粉都有。呀妈话自己煮𩠌多，不如食下其他嘢，好！就咁话啦。2.0海陆空杂扒薯菜($138)，有猪扒🐷、牛扒🐮、鸡扒🐔各一块同埋串虾。3块扒都好大块👍，其中我觉得猪扒最好食。薯菜就系炸薯角加杂菜。呢个系是日晚餐包饮品同餐汤。蒜香扒大虾拌脆皮天使面($98)，见到炸天使面咁得意就叫下，原来真系成个面饼咁炸，好大个一定饱肚。而🍤虾就有2只，配上大量蒜蓉好香。另外加咗$25搭配法式焗田螺，有6只热辣辣送上，下面就有好多薯蓉，好食，性价比高！餐牌里的食物可加$10跟餐，餐汤有罗宋汤同甘笋忌廉蚬肉汤，我哋要咗后者，味都唔错。冻饮+$3，特饮就原价减$10，有唔少选择啊。总括嚟讲，餐厅大众化，啱街坊一家大细嚟开餐，小菜餐好似几抵食，扒餐就有平有贵啦，但份量足，味道不错😄。餐厅名虽然叫茶餐厅，但环境比茶餐厅舒服、干净好多👍。店员服务都几好，扒餐我落哂个汁后，有主动问我哋要唔要多啲
星期六同呀妈去咗黄大仙行街，行下行下去咗现崇山𠮶边，地面𠮶层有几间食肆有露天位，呢个季节坐出面都几舒服唔会热，如果早啲应该会见到狮子山添，但我嚟到已经够钟食晚餐🌘。
餐厅内外都有唔少位，6点半到开始好爆场，食物中式小菜同西式扒餐意粉都有。呀妈话自己煮𩠌多，不如食下其他嘢，好！就咁话啦。
2.0海陆空杂扒薯菜($138)，有猪扒🐷、牛扒🐮、鸡扒🐔各一块同埋串虾。3块扒都好大块👍，其中我觉得猪扒最好食。薯菜就系炸薯角加杂菜。呢个系是日晚餐包饮品同餐汤。
蒜香扒大虾拌脆皮天使面($98)，见到炸天使面咁得意就叫下，原来真系成个面饼咁炸，好大个一定饱肚。而🍤虾就有2只，配上大量蒜蓉好香。
另外加咗$25搭配法式焗田螺，有6只热辣辣送上，下面就有好多薯蓉，好食，性价比高！
餐牌里的食物可加$10跟餐，餐汤有罗宋汤同甘笋忌廉蚬肉汤，我哋要咗后者，味都唔错。冻饮+$3，特饮就原价减$10，有唔少选择啊。
总括嚟讲，餐厅大众化，啱街坊一家大细嚟开餐，小菜餐好似几抵食，扒餐就有平有贵啦，但份量足，味道不错😄。餐厅名虽然叫茶餐厅，但环境比茶餐厅舒服、干净好多👍。店员服务都几好，扒餐我落哂个汁后，有主动问我哋要唔要多啲。如果餐厅有多啲分店，我都会再嚟食。
张贴
