Cocolo Tokyo Cake Factory (朗豪坊) (已結業)

咁啱经过朗豪坊，从远处已闻到很香嘅味道，经过Cocolo店舖嘅时候见到店内嘅苹果批及蛋糕好吸引，心旭旭，想试下。呢度主打百分百日本货，店内苹果批外型同平时食嘅好唔同而且蛋糕同饮品都系由日本当地制作然后空运到港，保证味道正宗、原汁原味。店内有部座位设有充电座，大家食紧苹果批嘅同时，都可以帮手电充下电，好贴心！苹果批新鲜出炉，香气扑鼻，苹果批内馅系用青森苹果制作；苹果蓉、苹果酱同苹果粒三者合而为一。酥皮外层，焗到金黄色，食落酥脆，果肉大大粒，有咬口；一路食一路品尝到清甜嘅苹果味，味道香浓，甜而不腻。三层忌廉蛋糕食完苹果批未够喉，另外点咗一款三层忌廉蛋糕，忌廉非常香滑，蛋糕口感软绵绵，味道都几甜，同西式蛋糕有分别，系一款简单又可口嘅蛋糕。