Spark Bar & Restaurant (已結業)

其实平时都好少会去到中环食野，而今日同朋友行完大馆，再行咗阵街，就去咗附近食野。上网比较完之后拣咗呢间价位相对高少少，但几高评价嘅餐厅，平时仲有live band🎹🎸🥁有两款水可以拣，有普通水同埋有汽嘅水面包系自家制，口感好松软，配埋我最钟意嘅橄榄油😁我地一人拣咗一款主菜嚟share，我拣咗Carbonara，因为见到人地啲食评好似好好食咁～另外仲有成个半熟蛋，加上四件大大片嘅海胆，卖相已经觉得与别不同。意粉系用咗烟斗粉，可以装住少少酱，每一啖都食到啲汁个感觉好正！海胆味道好鲜甜，一啲都唔腥，而且意外地同成个意粉好夹，满意👍🏻朋友话好耐无食牛排就拣咗呢个7成熟嘅美国Ribeye ($498)同样系卖相好靓，要相机食先～食落肉质刚好，唔会太实而且好细嫩，加上牛油又更加之香😋另外仲有牛骨髓，听就听得多，但真系好少食，味道好浓郁，口感有少少似嫩滑啫哩，入口即融！整个感觉系牛味非常突出，食完齿颊留香～😍难得嚟到兰桂坊又点可以唔饮下酒呢～我叫咗杯signature cocktail，个名叫Misery，中文系「失恋王」😂系芒果加姜味嘅rum，再加少少辣椒系入面，fresh得嚟又有少少刺激嘅感觉。