影片
更多
2012-04-24
49 浏览
今次系我join左openrice咁耐以黎第一次写食评. 典解会有呢个冲动呢? 系因为四出寻食既我终于揾到一间又好味, 又抵食, 又衞生, 又真材实料, 服务又周到既食店喇~!!!讲返我既经历先~~! 原本我系想去食嘉太贺, 但系去到之后朋友话觉得贵, 又麻麻地好食, 所以决定转架步, 跟住我地就喺呢两条街度周围睇下有乜野啱食又唔贵, 沿途经过好多间食店都好似好贵咁, 结果行到尾尾就见到呢间潮人车仔面, 店舖细细地, 但感觉都OK舒服, 价钱又唔贵, 之后就俾果度既热情老板钓左我地入去喇~! 以为简简单单既车仔面, 但睇下个餐牌, 原来又唔系一间普通既车仔面㖞! 佢有个招牌菜冬阴公海南鸡面, 最爱食辣既我又点会放过??? 但系果一刻我又想食车仔面, 又想试冬阴公, 唔知拣边样, 烦恼之下, 老板娘就同我讲可以帮我将车仔面转冬阴公汤底! 哗! 我即时开心到爆! 于是我就叫左卤水鸡翼+肠仔+萝卜+红肠+油面+冬阴公汤底(中辣), 朋友就叫左个三𩠌公仔面 (唔记得系乜野𩠌).等食期间, 望下d装修, 真系好young呀! 以猪仔图案为题材, 放晒喺幅墙度, 好cute! d筷子好特别, 开头
讲返我既经历先~~! 原本我系想去食嘉太贺, 但系去到之后朋友话觉得贵, 又麻麻地好食, 所以决定转架步, 跟住我地就喺呢两条街度周围睇下有乜野啱食又唔贵, 沿途经过好多间食店都好似好贵咁, 结果行到尾尾就见到呢间潮人车仔面, 店舖细细地, 但感觉都OK舒服, 价钱又唔贵, 之后就俾果度既热情老板钓左我地入去喇~! 以为简简单单既车仔面, 但睇下个餐牌, 原来又唔系一间普通既车仔面㖞! 佢有个招牌菜冬阴公海南鸡面, 最爱食辣既我又点会放过??? 但系果一刻我又想食车仔面, 又想试冬阴公, 唔知拣边样, 烦恼之下, 老板娘就同我讲可以帮我将车仔面转冬阴公汤底! 哗! 我即时开心到爆! 于是我就叫左卤水鸡翼+肠仔+萝卜+红肠+油面+冬阴公汤底(中辣), 朋友就叫左个三𩠌公仔面 (唔记得系乜野𩠌).
等食期间, 望下d装修, 真系好young呀! 以猪仔图案为题材, 放晒喺幅墙度, 好cute! d筷子好特别, 开头以为有三只色, 细看之下原来系有六只色(有深紫色/浅紫色/深绿色/浅绿色/深蓝色/浅蓝色), 好潮呀~! d枱同櫈衬得好靓好sharp, 感觉好干净好舒服!
开动喇~!!! 我个冬阴公车仔面卖相好靓! 忍唔住就影低左, 一食, 超正啰!!!! 原来冬阴公汤配油面系咁正! 简直好似食紧韩国酸辣面咁! d𩠌俾得好足, 材料食得出好新鲜, 至于味道, 冇得顶! 完全系正宗冬阴公汤! 真系好正~! 如果好食得辣, 可以试大辣, 我本身都食得少许辣, 所以觉得中辣岩岩好~! 至于朋友果个, 佢一边食一边话好好味㖞! 虽然只系一个普通公仔面, 但佢真系整得好讲究, 主要系因为d材料同汤底, 食得出系用料十足果种. 老板介绍我地试下佢地新出既特饮菠萝XX冰(唔记得系乜野冰), 我地就叫左两杯, 好好味! 唔会太甜, 仲食到个底有菠萝肉! 大满足~~! 后来见到餐牌有个炸烧卖, 就叫左个黎试, 哗~! 真系好好味! 炸左出黎外皮脆卜卜, 里面好香好弹牙! 好正呀~~!! 食到咁上下, 见到厨房炒紧d好香既野, 一问之下, 原来系飞天通菜! 竟然喺车仔面档有飞天通菜!!! 好特别! 老板娘问我地要唔要一碟, 可惜我地已经好饱, 怕叫左食唔晒, 所以冇要到, 不过老板娘好好人, 竟然叫厨房炒左少少俾我地试食, 唔收钱的!!!! 一试, 真系好正! 够辣!!! 好啱我胃口~! 唔食得辣既朋友如果去食可以叫佢减辣~! 之后我地问老板娘点解d野食整得咁好味, 原来做厨房果个以前系做泰国餐厅既大厨, 而家都系呢间潮人既半个老板, 所以每样食材同味道都好讲究. 老板娘仲问我地d野食味道ok唔ok, 有冇野要改善, 我同朋友都觉得好好食, 冇野要改善, 唯一一个要改善既地方, 就系间舖要扩充!!! 因为真系几多客人, 我地七点几去到都坐到满咁济, 再夜d黎食可能要排队喇!!! 可以既话, 最好开多几间分店, 放一间喺我屋企楼下就perfect啦~~!
最后我仲叫左个海南鸡打包返去俾屋企人食, 佢地食完话好好味, 仲问我喺边间海南鸡店买添呀~~!
整体黎讲, 真系食得好开心, 老板同老板娘都好亲切好好人, d野食又好食又抵食, 简直系满分呀~~~!!
题外话/补充资料：
[b][b]好欣赏佢地不断研制d新既食品黎满足客人, 可能下次去既餐牌又会加左好多款式选择喇~~ 好有新鲜感呀~! 好期待下次再去帮衬~!! ^^[/b][/b]
[b][b]有一样野必须要补充, 就系点解我会咁认真去写呢个食评呢? 原因系呢度真系好有***家***既感觉, 因为个feel好舒服, 野食好香好好味, d人好亲切, 喺度食真系好warm~!!! 所以我好钟意呢度, 希望同大家分享下~! ^.^[/b][/b]
(以上食记乃用户个人意见 , 并不代表OpenRice之观点。)
张贴
