篤篤車 (已搬遷) 新店位置

之前睇过杂志介绍呢间车仔面餐厅，有好特别嘅鳄鱼汤及冬荫功汤底，今日趁有时间，一于返工前试下。三𩠌面都只系38蚊，价钱合理，如果要海鲜就每款加多3蚊，亦可以选择要餐跟小食及菜。一场黎到就梗系要试呢款泰国鳄鱼汤，汤底呈奶白色，有少量杞子，红枣及菇，先饮一啖汤，味道好鲜甜，有一种暖和嘅感觉，味精唔多，饮完后唔会好口干。𩠌拣咗猪大肠，萝卜及牛筋，大肠煮得好入味，萝卜够淋无渣，吸收咗鳄鱼汤后更加鲜甜，牛筋亦炆得好淋，整体黎讲好好味。迟d等天气无咁热，真系要试埋个冬荫功汤。