韓閣 (富裕樓) (已結業)

突然间好想食韩国菜，于是同男朋友去左荃湾路德围新开嘅呢间餐厅韩阁。疫情期间餐厅卫生都做得好足，枱櫈清洁得好干净，枱与枱之间空间都算足够。我哋叫咗佢几款拿手小菜，分别系玫瑰真露翼同芝士岩浆饭。个玫瑰真露翼好特别，出面系食唔到嘅。佢系落咗啲韩国真露烧酒，再加少少玫瑰汁落𠮶啲冻鸡翼度。感觉有少少似醉鸡，系一个韩国风味嘅醉鸡。至于个芝士岩浆饭真系冇得顶，我开头都好担心佢会好漏，但系食落好有芝士嘅香味，亦都完全唔漏，两个人食完一啲都冇滞嘅感觉。另外我哋都嗌左一碟无骨猪手，同埋豆腐海鲜汤。两个人竟完全食得晒，我自己都吓咗一跳，因为实在太好食。最后一人嗌左一杯人参蜜养吓生，甜甘比例啱啱好。大家齐齐捧住个肚走。