麻浦元祖 (已結業)

我嘅死党兼好同事系公司嘅春茗度抽到大奖,佢简直开心到晕,我地都好替佢开心，但开心归开心，佢亦都要跟潜规则来办事，就系请大家食饭喇，佢亦都好阔绰咁讲任你哋钟意食乜就食乜冇所谓，其实呢个奖真系几大。大家商量后 就决定去位于尖沙咀嘅（麻浦元祖）食韩国烧烤。呢间舖装修都好有韩国风味，就连侍应都系讲韩文，我哋一坐低佢侍应就好有礼貌地递上餐牌畀我哋，我哋睇完后就一致决定要 90分钟任烧任食嘅韩国烤肉放题。第一round我哋点咗护心肉、牛五花、牛仔骨、特上牛排骨肉、黑豚梅花肉、 麻蒲特上猪排、肉眼扒同埋猪颈肉。D肉望落好新鲜,肥瘦好均匀，烧嘅时候啲肉香味好香,未食已经流晒口水，烧起再点一点酱汁，食落肉质鲜甜入口即溶, 一个字正。因为我哋个个都系牛魔王，所以我哋点多几round嘅牛肉先至够喉。呢餐真系冇得弹下次一定要再来。