飲茶 (朗豪坊) (已結業)

以前饮茶，都会即时谂起朝早去茶楼食一盅两件。不过上星期五晚上，朋友约了我去饮茶，我以为佢讲笑，夜晚边度会有茶飮㗎。原来旺角朗豪坊有间餐厅叫做「饮茶」，顾名思义，这间餐厅真系有茶饮㖞，不过唔系传统嘅点心，系点心加fusion 菜。 菜名叫炸BB鸽，即是红烧乳鸽；皮脆肉嫩，保留好多肉汁，两个人分享，刚刚好。此菜叫龙须芥兰，只选用芥兰茎部，开边，然后以刀切齿状花，颇像龙须。味道清爽可口。樱花虾炒饭。当这炒饭送上枱时，浓厚嘅樱花虾干已扑鼻而至，令人垂涎。饭粒粒粒可见，粒粒弹牙，饭中所用嘅鲜虾，还保留鲜虾香味同口感，唔似一般酒楼酒食肆以食粉腌制过嘅虾仁，只有弹牙，但系冇虾味，最惊喜嘅系一啲都唔油腻。好可爱哦！其实系凤梨酥，不过名字叫「鸽吞凤梨」，外皮做成鸽子样，外酥内香甜，食后齿颊流看。这个是呷醋木耳，木耳以中日配料调味，镇江醋加日本芥辣（wasabi) 调配，很特别，微酸微辣，加上爽脆嘅木耳，令人食过不停。