飲茶 (朗豪坊) (已結業)

以前飲茶，都會即時諗起朝早去茶樓食一盅兩件。不過上星期五晚上，朋友約了我去飲茶，我以為佢講笑，夜晚邊度會有茶飮㗎。原來旺角朗豪坊有間餐廳叫做「飲茶」，顧名思義，這間餐廳真係有茶飲喎，不過唔係傳統嘅點心，係點心加fusion 菜。 菜名叫炸BB鴿，即是紅燒乳鴿；皮脆肉嫩，保留好多肉汁，兩個人分享，剛剛好。此菜叫龍鬚芥蘭，只選用芥蘭莖部，開邊，然後以刀切齒狀花，頗像龍鬚。味道清爽可口。櫻花蝦炒飯。當這炒飯送上枱時，濃厚嘅櫻花蝦乾已撲鼻而至，令人垂涎。飯粒粒粒可見，粒粒彈牙，飯中所用嘅鮮蝦，還保留鮮蝦香味同口感，唔似一般酒樓酒食肆以食粉醃制過嘅蝦仁，只有彈牙，但係冇蝦味，最驚喜嘅係一啲都唔油膩。好可愛哦！其實係鳳梨酥，不過名字叫「鴿吞鳳梨」，外皮做成鴿子樣，外酥內香甜，食後齒頰流看。這個是呷醋木耳，木耳以中日配料調味，鎮江醋加日本芥辣（wasabi) 調配，很特別，微酸微辣，加上爽脆嘅木耳，令人食過不停。