小島•澳門菜 (已結業)

一路都想去澳门，因为好挂住d葡国菜。但系同老婆又抽唔到时间去，所以系香港揾间葡国野止一止咳先。叫左条盲𫚧配海蚬，好食到停唔到。第一次系香港食，原来水准都好高，肉质嫩滑，又有鱼油香。乳猪野菌牛油焗饭。d乳猪好好食，肥而不腻，但系重点系个饭底。佢本身加左野菌牛油，再吸埋d乳猪油，香到不得之了。同老婆要争食先得！我地仲叫左个非洲鸡食，亦都唔错。不过乳猪饭真系今餐既MVP, 比澳门既葡国餐厅做得更好！去葡国餐厅无得唔食个葡挞。虽然价钱唔平，但系好好食，蛋唔会淋之之，酥皮亦好香脆，唔错唔错！