滿記冰室 (已結業)

第一次黎满记食野，一黎好少行呢边，二黎好多人话态度差就唔敢黎试了，是日食开的餐厅无开，就的起心肝黎试下佢。下午茶时段黎，好多人要等两张枱，但店员好有效率，劲快执完枱仲带埋位，态度好好㖞。点左一份午餐同两份下午茶，大约十分钟左右已经黎齐所有野，劲快！午餐有餐汤送，拣左西汤，是日系杂菜汤，劲多菜好浓郁，但个人觉得偏酸左啲。餐饮要左冻柠茶，正常味啰。另外份下午茶加左个意式杂菜通粉，其实同餐汤一样味，但加几蚊咁大碗又抵㖞。另一杯餐饮要左冻奶茶，几香茶味，可以多多少少奶更好。下午茶叫了呢个日式宫崎牛肉军舰，卖相靓仔㖞。劲多牛，即刻煮热辣辣，洋葱青葱炒肥牛，香味十足，同埋个包好软身，吸左牛肉汁正呀。另一份叫左黄金吉列鱼柳包，同样大大份。鱼柳炸得香口，入面系千岛酱，酸酸地正㖞，仲有粗薯条，呢只薯味浓好食呀。午餐系卡邦尼海鲜意粉，又系大大份，正。卡邦尼味就无乜，食落系黑椒炒意嘅味，但海鲜落左好多，料仲多过意粉呀，哈哈，虽然味道不似预期，但黑椒意都好食。啲野系正常茶餐厅嘅水准，几好食吖，大大碟价钱贴地，有下次㖞！