咖啡灣 (太和中心) (已結業)

以前好钟意黎呢一间西餐厅食㗎，觉得味道好、员工服务态度好！但今次食完真系好失望，我谂我短期内都唔会再去啦。员工服务态度依然系非常之好，充满笑容、会好主动话帮你影相，又会好落力咁介绍食物。但系面对着食物....真系不似预期软壳蟹黑松露意粉，佢个软壳蟹冇以前整到咁香口，不过黑松露依然味道十足、意粉都好食嘅。鸡扒番茄意粉，不过不失、唔会令你好失望，但系亦唔觉得好赞叹、杰出嘅感觉。咖喱吉列猪扒饭，见到呢个饭，完全是想用恐怖来形容，未食见到已经冇晒胃口。咖喱汁系硬哂，一pat pat咁...完全唔香！个吉列猪扒又偏硬，每个食材都系好独立、完全冇一种互相配合嘅感觉。士多啤梨窝夫，我哋叫呢左全份！如果半份的话，就会只得一球雪糕，窝夫嘅件数亦都会少一半。呢个窝夫其实好靓，但士多啤梨偏酸。今次其实都觉得佢冇突出，而且因为佢窝夫中间加咗蜜糖，反而觉得偏甜。