蔡潤記

营业中

休息中

每次帮衬旧蔡又好、新蔡又好，我既胃口都特别大，就系因为佢地自家秘制辣椒油啰 ﹗越食越辣 ﹗越食越刺激就越想食，食唔到食唔落肚都唔摆休架，好恐怖呀 ﹗不过，顶多都系食两碗啫 ~ 会饱死架 ~炸鱼皮，传统炸鱼皮，份量都唔少，差不多有八大旧，跟坊间浅啡色薄薄的好唔同。深啡色、厚身又较硬既鱼皮，不过炸得非常柏脆亦带鱼香味。已解释多次食法喇 ﹗浸汤后，吸收晒汤既精华，就算浸左一段时间都唔会话腍劈劈，仍然脆口，口感夹杂住脆卜卜、棉滑于一身，好特别。而且味道充满炸鱼香同汤底既甜味，冲过身，亦将多出既咸味中和，好味。鱼片河，细既无加底，炸过既鱼片充满咸香，弹牙且味鲜。河粉烚得滑溜，汤既温度不太高，一上枱可以即刻入口。如果烚既时后汤既温度高一点，将河粉烚耐一点，可以做到软棉加滑溜既口感，吸收汤既能力亦提高，这样会更美味可口。现时既质感系滑嘟嘟，但系偏重左硬净而挺身。鱼蛋鸳鸯加底加粉猪走葱，NO. 1 肥美猪粉肠返来喇，上次失手，又瘦又鞋又苦，今次可以一雪前耻。粉肠超肥美，见到完全系胀卜卜，皮脆肉嫰又咽靭又弹牙，里面既绒毛洗得干净，口感软棉棉，好好味，必食。鱼蛋鱼片依旧保持高水平，鱼鲜带咸香，肉弹牙爽口。