坤記煲仔小菜

营业中

休息中

㖊日夜晚喺坚尼地城泳池同朋友游完水，之后就行咗去坤记食饭。去到嘅时候大约九点半，可能天气开始转热，少咗人食煲仔饭，所以好难得咁唔使等位连街都唔驶坐就入得去。我地叫咗排骨煲仔饭、腊肠润肠煲仔饭同埋豆豉炒苦瓜首先嚟到嘅系炒苦瓜，每块厚度切得均衡，熟得嚟炒得爽身，味甘但唔苦，清热食品首选之后系腊肠润肠煲仔饭。腊肠润肠各有一条，煲完啲油渗返落啲饭到，阵阵油香，好吸引腊肠咬落口，咸甜适中，而润肠就甘香味浓，送饭一流最后上嘅系排骨煲仔饭，豆豉蒸到排骨好入味，加上排骨肉本身够滑又半肥瘦，而且饭焦又多过上一煲，我俾100分讲真，呢到啲煲仔饭系真系我食过咁多间最好食，师傅手势坚好，不过每煲平返$10就性价比高好多。