滬江飯店 (已結業)

跟多年冇见老友聚旧，上海菜一向都系我飞佛，所以黎呢度试试。早两日已经订位，被安排坐四人圆台，感觉好宽敞。肴肉：不错，肉质香软，食落去唔会一啖油。点埋醋黎食，更正。平时我唔太好呢个菜，都食左好几块。鸡丝粉皮：食亲上海野都会点呢个菜。青瓜爽脆新鲜；鸡丝系鸡胸肉，唔鞋；粉皮唔粒口，点精当然系个麻酱，香滑。唯一唔好处就系个麻酱会令人觉得饱肚。炒虾仁：呢个菜要整得好食好难，火候要控制得好好，又考师傅手势。呢度整得唔错，虾望落去晶莹剔透，粒粒都有光泽。食落亦鲜甜脆口。阿婆肉：卖相有趣。炆五花腩，味道唔错，唔太甜。蒸银丝卷：另一飞佛，唔知点解就系好钟意食 其实呢野样冇咩特别，在乎食肆拎货拎得好唔好同蒸得够唔够热。拔丝香蕉：好味！唔会觉得太甜。呢度价格中上，食物ok，服务态度非常好。