匠工房秀吉 (已結業)

谂住食个快饭就黎到一田打算是但食d野。咁岩一田百货装修无左一半food court 的位置。不过唔紧要，快食就拿拿声买。咁就选择了呢间食章鱼小丸子的店舖。当然我唔系第一次食呢间店，试过帮衬过乐富果间都觉得不错，所以今次谂都无谂就去买黎食。点知超级失望，食到食唔到。我平时好少浪费食物，但今次真系唔掂。其实整体望落卖相不错。但其实食物只系暖暖地。根本所有食物都整定一大堆，咁又点可以出到热辣辣的食物呢？！另外，其实午饭前11点多呢d时间，基本上客人都唔多，望住已经整好一大堆的食物，d呀姐都继续唔停手咁整，又会唔会太多呢？！平时我都算有耐性，逐一介绍下d食物。但呢间我整体讲下算啦。烧饼同章鱼小丸子d粉糊太厚啦。基本上系食粉，加上食物内的材料不多，唔知食紧咩咁。