媽咪雞蛋仔 (已搬遷) 新店位置

行街经过见到呢个转角位开咗间妈咪鸡蛋仔 咁啱又未食下午茶 口痕痕就谂住买一底试吓当年系Poly读书嘅时候 成日都走去红磡总店买鸡蛋仔食 𠮶时真系觉得好好食 毕业之后都已经冇食过了 原来而家新出左咁多口味 今次就决定试吓新口味 唔食粒粒朱古力味 拣咗抹茶朱古力味 ($26)其实望落绿绿地青青地已经好开心 系我钟意嘅颜色不过抹茶味唔太浓 只系食到淡淡既茶味 可能系因为朱古力味太抢 但系朱古力味系呢个配搭之中都唔出色 无平时𠮶种有少少朱古力粒但又有少少流心嘅味道 而且就算系即刻食都冇咗𠮶种外脆内软嘅感觉 有少少失望