影片
更多
2019-10-06
119 浏览
琴日同男朋友见到呢间餐厅，谂住试下个午餐。呢个餐厅有室内同室外座位，环境睇落普普通通，食完真系忍唔住打篇食评告诫大家勿试。我地点左2份午餐，1个55蚊海南鸡饭，1个42蚊冬荫功鸡肉汤河，2杯椰汁冰。坐系室内门口左边既位置，路口有啲窄，店员递餐去出面或者有客人出入都会撞到我地个背，不过当时冇得拣第2个位。首先到左2杯椰汁冰，黎到冇2分钟啲冰就溶哂，杯野系暖既，系我饮过最差既椰汁冰。之后黎海南鸡饭先，有碗汤的，汤就不过不失，但系重点既海南鸡，系有毛，啲鸡有一半系鞋到似纸皮咁，食左少少顶唔顺。之后见男朋友果个餐咁耐都未到，新黎既客人都已经食紧，原来漏单，个店员仲呆滞咁揾下我地点左咩餐。餐黎到饮啖冬荫功汤，似系落左好多鱼露，好怪 ，啲鸡肉有骚味，只系河粉正常，但配这汤底，真系忍唔住讲好难食。最后冇食到一半就跌钱走人，去另一间食。因为本身冇谂住打呢篇野，所以冇影到相，奉劝大家想食好啲，唔好系呢度浪费金钱。
我地点左2份午餐，1个55蚊海南鸡饭，1个42蚊冬荫功鸡肉汤河，2杯椰汁冰。坐系室内门口左边既位置，路口有啲窄，店员递餐去出面或者有客人出入都会撞到我地个背，不过当时冇得拣第2个位。
首先到左2杯椰汁冰，黎到冇2分钟啲冰就溶哂，杯野系暖既，系我饮过最差既椰汁冰。
之后黎海南鸡饭先，有碗汤的，汤就不过不失，但系重点既海南鸡，系有毛，啲鸡有一半系鞋到似纸皮咁，食左少少顶唔顺。
之后见男朋友果个餐咁耐都未到，新黎既客人都已经食紧，原来漏单，个店员仲呆滞咁揾下我地点左咩餐。餐黎到饮啖冬荫功汤，似系落左好多鱼露，好怪 ，啲鸡肉有骚味，只系河粉正常，但配这汤底，真系忍唔住讲好难食。最后冇食到一半就跌钱走人，去另一间食。
因为本身冇谂住打呢篇野，所以冇影到相，奉劝大家想食好啲，唔好系呢度浪费金钱。
张贴