稻香 (已結業)

行开旺角,长辈相信大牌子,稻香又算出名,因为未够钟食唔到商场大大块广告牌写既宵夜火锅,咁咪食小菜啰.因为仲有啲吉位,攞完飞就即刻入去.见到各个侍应都做紧自己野,无理由要佢地停底招呼自己,但当你见到个个侍应都望一望你,明明见到我地挥手示意,佢地都毫无反应再揼底头慢条斯里咁继续做自己野就会觉得不是味儿架喇.因为侍应实在太难叫,最后揾座位,攞餐牌(揾唔到,净系系隔离枱揾到点𩠌纸),攞洗碗兜,倒洗碗水,都系自己搞掂,觉得自己食紧自助餐咁.琵琶鸭,皮睇嚟好靓,有油而已脆脆地,但系肉质就鞋飒飒.而且无论系皮定系肉都无味.伴碟既馒头底部竟然系湿湿地既.姜葱焗大鱼头,上菜时仲有啫啫声,但加得太多油,成碟𩠌好似肥淋淋咁.虽然话系姜葱焗大鱼头,配菜有9成系葱,其实我一件姜都见唔到,怕系可能我咁啱我见唔到啫.鱼云当然应该冧啦,但肉既部份点都应该有咬口.但系成碟鱼碟系非常非常冧,真系唔太识形容.黑椒扣大元蹄上枱时已经唔热,洋葱仲要生欧欧.食落有酸味而无黑椒味,真系好怪.叫侍应跟进,佢入完厨房出返嚟话系正常,因为厨所加咗浙江醋.或者我见识少,但黑椒配浙江醋咁特别?咁点解唔叫,浙江醋扣大元蹄,叫得黑椒扣大元蹄就梗