小樽駅日式放題料理 (已結業)

今日一家四人去九龙湾新开的放题店试食先试食刺身，各样点少少三文鱼刺身:初时5件5件咁落单系厚切，肥瘦适中，印象唔错;之后叫15件，一半系肥瘦适中，一半系有白皮，皮切井字，脂肪多，好油腻;再叫多次，今次系厚皮厚脂少肉，见到连夹既冲动都冇，进食意欲全无!甜虾刺身:初系无虾头，之后送上既都有虾头，好腥。吞拿鱼刺身:更腥。白肉拖罗:食唔出味道，唔知系咩白肉?寿司叫左少量，三文鱼的跟上述讲既问题一样。花之恋更加系意想唔到咁差，佢主要系由2片肥厚而带白皮既三文鱼夹住饭团，筷子一夹已分体，各有各味道，整体上系腥味十足值得一赞既系天妇罗，特别系海虾的，薄浆厚虾肉，外脆内嫩。南瓜的够大件但香料重，盖左南瓜独有既味。香蕉的口感颇特别，外脆内溶溶地之后点熟食，整体上感觉系甜、油腻同重汤料味牛油炒带子:够嫩，但带子底部沾上一层鸡汤料，味道唔夹，脏肠未清理，唔干净。炒蛤子:惹味但沙沙的，清洗得唔撤底鳗鱼炒饭:第一次食到甜既炒饭，冇鳗鱼烧味，纯甜炒饭汤乌冬:煮过火，𫑷味重，唔弹牙。汤蒟蒻:不错的选择，弹牙非繁忙时段黎讲，上菜速度一般，一碟一碟上，至少唔会叫十碟上十碟。份量比较少，少食已足够，点左食唔晒好有罪咎感。