荳子 (馬鞍山廣場) (已結業)

呢间餐厅今次系我第二次帮衬，对上一次喺大埔食感觉麻麻地，今次俾多次机会佢，喺马鞍山再食多次。Lunch 时间，我叫咗黑松露软壳蟹意大利粉，而朋友就叫咗忌廉番茄汁手切牛柳丝意大利粉，饮品叫咗热柠蜜同冻柠蜜，另加 $25 加配芝士肉酱薯条。冻柠蜜饮落清甜，不过蜜糖多啲味道会更好，同大杯少少就再好啲喇，热柠蜜都一样。黑松露软壳蟹意大利粉 : 上枱已经闻到好香，但可惜面条较韧，而软壳蟹虽然系成只炸完切件上，但本身属细只，炸完之后只食到炸酱，蟹肉完全食唔到，失望到极点。忌廉番茄汁手切牛柳丝意大利粉 : 试左几淡，个酱汁做得不错几好味，再试埋牛柳丝，可惜牛柳丝好韧，大打折扣。同朋友食完自己个粉后，侍应应该落漏单，等咗好耐先上芝士肉酱薯条，可惜连咁基本既芝士肉酱薯条都做得咁失败，成碟薯条完全无芝士味出现过，系咪厨师忘记左落，不过我无出声，加上肉酱都系无味既，朋友要问个侍应攞茄汁点嚟食，阴公。呢间餐厅真系不会再帮衬，性价比实在太低了。