市川日本料理 (已結業)

公司見客, 諗住搵間餐廳環境好少少唔失禮, 所以就揀咗太古城呢間--市川日本料理。環境氣氛的確唔錯, 唔會太嘈雜, causal 傾生意都可接受。Lunch價錢就偏貴少少, 平均二百蚊左右一個定食。包沙律、櫻花蝦烏冬、自選主食同埋自選柚子茶/coffee/甜品 (雪糕糯米糍兩粒)沙律菜新鮮, 加咗少少芝麻醬。左口魚裙邊拼雜錦壽司十件 HK$210一共十件壽司, 其中兩件為太極卷, 飯唔會太實,吞拿魚蓉口感綿密, 有魚油香; 魚類刺身都幾嫩,不過海膽軍艦就完全唔掂! 有臭腥味!配有櫻花蝦烏冬, 煙煙韌韌, 塞飽個肚。Set 包 飲品/甜品, 呢個價竟然要二選一!甜品係雪糕糯米糍兩粒, 不是自家製。整體呢個價跟質素唔成對比, 連鎖壽司店比呢間好食, 價錢平佢成半, 唔值得幫襯。