影片
更多
2013-12-12
3436 浏览
朋友介绍鲗鱼涌比较好的食餐肆就是Simplylife，不过就一定要排队先得，由于小女子听闻此店已久却从未光顾，于是就决定试一试。1点10分左右到达，果然已经有廿多人在餐厅旁边排队，隔离的千両其实可以立即Walkin，可是，立下决心要试0既我决定排队。排在后面的一家三口，小男孩已忍唔住讲：「好肚饿呀﹗去隔离食啦﹗」佢妈咪同佢爸爸讲：「唉﹗我入去买个包俾佢食住等~」于是，小男孩一听随即冲入餐厅，佢妈咪追上去，几分钟后，个小男孩食住个包慢慢行出黎，哗﹗排左差不多半个钟，我都饿扁喇……1点43分终于等到职员对我讲一句：「执埋张台就可以坐入去架喇~」原来得一个Brunch Menu，冇其他野拣，其实我最想食意大利饭，可惜呢日冇得食本来我同朋友都系叫宽条面，但难得食一次梗系试唔同野啦系咪先?!于是我转左食Bagel配三文鱼、烧蕃茄，即系下图不过首先黎0既系青瓜沙律，呢样唔记得左影相，因为太饿唔俾个相机食先，之但系青瓜得两条咋，最离奇系有一小旧橙肉0系顶顶，可能系我唔系捞得太均匀，最初食几啖算几清新，之后就俾沙律醋酸到我流哂眼水，剩番三分一就投降左，咁重手0既醋，个厨师系咪想我开胃D呢?跟住过左阵主
1点10分左右到达，果然已经有廿多人在餐厅旁边排队，隔离的千両其实可以立即Walkin，可是，立下决心要试0既我决定排队。
排在后面的一家三口，小男孩已忍唔住讲：「好肚饿呀﹗去隔离食啦﹗」佢妈咪同佢爸爸讲：「唉﹗我入去买个包俾佢食住等~」于是，小男孩一听随即冲入餐厅，佢妈咪追上去，几分钟后，个小男孩食住个包慢慢行出黎，哗﹗排左差不多半个钟，我都饿扁喇……
1点43分终于等到职员对我讲一句：「执埋张台就可以坐入去架喇~」
原来得一个Brunch Menu，冇其他野拣，其实我最想食意大利饭，可惜呢日冇得食本来我同朋友都系叫宽条面，但难得食一次梗系试唔同野啦系咪先?!于是我转左食Bagel配三文鱼、烧蕃茄，即系下图
不过首先黎0既系青瓜沙律，呢样唔记得左影相，因为太饿唔俾个相机食先，之但系青瓜得两条咋，最离奇系有一小旧橙肉0系顶顶，可能系我唔系捞得太均匀，最初食几啖算几清新，之后就俾沙律醋酸到我流哂眼水，剩番三分一就投降左，咁重手0既醋，个厨师系咪想我开胃D呢?跟住过左阵主食就黎，一睇到上台0既卖相已经失望，真系好唔吸引(上图)；为左令自己开心D，我order左件蓝莓芝士蛋糕，可惜又再一次失望，首先睇下卖相先：
我觉得奶味好重，质感好奇怪，好似软左0既橡筋，当然冇一、两粒蓝莓0系上高系令人不愉快的啊﹗讲番个主食先，D蛋方面，本人非常相信澳洲牛奶公司、民华、华星0既品质应该更好啰三文鱼呢……原本以为系一片片咁上，点知系碎湿湿细细旧，仲系混埋落蛋度……块蕃茄有D酸，冇乜吸引力，最引人注目系蕃茄上面0个旧几厚下0既乳酪，只系试左一啖，哗哗哗﹗太似食番枧，放弃……最后只有Bagel系令我食哂0既野，因为够热又烟烟韧咁，都算OK，但系……食紧0个阵就不禁自问「点解会咁傻俾百几蚊食呢D0既野呢?」坐紧0既梳化仲劲冇弹力，坐得好唔舒服，真系呻笨~
然后，幸好见朋友个宽条面都几OK，你地睇下：
试左味道唔错架，面底唔会软得滞，仲爽爽地添，所以，我更加觉得自己选择错误，根本冇意大利饭就应该转去另一间餐厅食丫嘛至于野饮方面，0个日系随餐附送一杯西柚XX茶﹙系冻饮﹚虽然可走冰，我都系加钱叫左杯Latte，朋友要左西柚茶，佢话味道怪怪，饮左两啖都唔饮喇~而我杯Latte味道不过不失，最失望系竟然冇拉花，哈哈……讲呢D……俾个样你地睇：
呢餐整体都令我深深觉得好唔值得排队，可能斋食面包会更好。
题外话/补充资料：
不约而同地，食完呢餐冇几耐，我同朋友都肚仔唔舒服，我地都有试对方0既野食，究竟系边样野出事，到而家呢一刻，都无从得知……
(以上食记乃用户个人意见 , 并不代表OpenRice之观点。)
张贴
