影片
更多
2021-03-22
102 浏览
好耐没有去D2，上openrice睇下有咩好食，见到呢间啲相唔错，咁啱又想食pizza，就试下，点知就好失望下。首先系星期六午餐时段，呢间餐厅就冇人排队唔洗等，我地3人一入座就安排张门口嘅枱俾我地，咁我地见到入面仲有枱，咪想转枱，点知有个侍应就话啲枱俾人book咗，咁无办法就照坐，坐坐下又有另一条友同我地讲可以转入去，咁fine，但心情已唔多好。讲下食物，叫左3个午餐，首先系蕃薯南瓜汤，味道正常。之后系烟肉手工面，份量极少，又硬，味道普通，条面系阔，但得个3-4条，真系食完同冇食系冇分别，咁你都收我$148会唔会有啲过份呢？第二道菜系夏威夷牛肉pizza，份量正常，牛肉加菠萝感觉好港式，作为一间以pizza做主打嘅餐厅，味道普通冇乜惊喜，饼底尚算脆身但overall我觉得好一般，$138价钱合理。第三道系蓝芝士云吞，份量都系唔会食得饱个种，云吞皮偏厚同硬，入面啲芝士好稀，总之唔好食。加左松露薯条，成餐饭最好食系呢个，份量合理，薯条炸得够脆，松露酱都好味。餐饮叫左咖啡，够大杯，但比较苦，尚算正常。最后想讲女仔食完成餐饭都系唔饱，男仔真系唔知点。仲有呢间餐厅啲枱好细，我地3人坐4人枱已经叫
好耐没有去D2，上openrice睇下有咩好食，见到呢间啲相唔错，咁啱又想食pizza，就试下，点知就好失望下。首先系星期六午餐时段，呢间餐厅就冇人排队唔洗等，我地3人一入座就安排张门口嘅枱俾我地，咁我地见到入面仲有枱，咪想转枱，点知有个侍应就话啲枱俾人book咗，咁无办法就照坐，坐坐下又有另一条友同我地讲可以转入去，咁fine，但心情已唔多好。讲下食物，叫左3个午餐，首先系蕃薯南瓜汤，味道正常。
之后系烟肉手工面，份量极少，又硬，味道普通，条面系阔，但得个3-4条，真系食完同冇食系冇分别，咁你都收我$148会唔会有啲过份呢？
第二道菜系夏威夷牛肉pizza，份量正常，牛肉加菠萝感觉好港式，作为一间以pizza做主打嘅餐厅，味道普通冇乜惊喜，饼底尚算脆身但overall我觉得好一般，$138价钱合理。
第三道系蓝芝士云吞，份量都系唔会食得饱个种，云吞皮偏厚同硬，入面啲芝士好稀，总之唔好食。
加左松露薯条，成餐饭最好食系呢个，份量合理，薯条炸得够脆，松露酱都好味。
餐饮叫左咖啡，够大杯，但比较苦，尚算正常。
最后想讲女仔食完成餐饭都系唔饱，男仔真系唔知点。仲有呢间餐厅啲枱好细，我地3人坐4人枱已经叫好少少，目测2人枱真系细到摆唔到嘢。
不过我最唔明系，同一层其他餐厅都要等，明明呢间餐厅都冇乜人食唔洗等，点解开头要扮有人订枱唔俾我地转枱，你咁样做顾客嘅第一印象已经扣晒分。
总括嚟讲午餐3个人食左$519都唔算平，仲要唔饱，所以忠告其他人唔洗试，同层有其他更好选择。
张贴
