德發牛丸粉麵

营业中

休息中

星期五晚上，同屋企人到尖沙咀海防道熟食中心，著名的德发牛丸粉面，专程试吓佢嘅牛丸面，仲因为双拼只得两粒牛丸咁少，所以只系要净牛丸面，谂住佢啲牛丸真系好弹牙、好有牛味，点知相当失望，比起超级市场嘅雪藏货味道仲要淡，而且似乎啲牛肉（如果有用）都唔算好，size好细粒下。至于𠮶啲面，就更加差，因为有好重嘅碱水味，明显所用嘅并唔系云吞面𠮶种面，而系最普通最普通𠮶啲碱水面，份量就几适中，唔算多，亦都唔算特别少。至于个汤亦都算OK啦，唔系太咸，都有啲味道。不过因为今次试食嘅最主要目标，就系佢出名嘅牛丸，所以啲牛丸唔能够令人有惊喜，甚至应该话连合理嘅期望都达唔到，咁就相当之失色，而且呢碗牛丸面嘅牛丸既然唔得，连面嘅质素都唔好，唔系普通唔好，而系你食到最后𠮶一啖就会觉得成口都系碱水味，质素真系唔得，$42一碗价钱唔算贵，但系令人觉得物有所值嘅机会就好低。