燒烤堂

营业中

休息中

鸡皮 🐔❤️⭐️呢个鸡皮真系我食过最正嘅烧鸡皮！脆卜卜，好似薯片咁脆，而且好薄，薄到透光。有鸡皮独有嘅咸香油脂感，又唔会太油腻，我好怕多肥膏嘅鸡皮。佢仲洒咗啲椒盐，增加咗香味同层次感，我一个人可以食晒三串！🔥🤤盐烧三黄鸡腿肉 🍗🔥鸡腿肉外层用盐烧至金黄，皮系脆嘅，但唔会过焦。内层嘅鸡肉嫩滑多汁，咬第一啖已经系咁滴汁。鸡味浓郁之余又唔会太油腻，真系越简单越考功夫！💯🍋香草蒜蓉包 🥖🧄蒜蓉包都系我必点㗎❤️外层烧到金黄香脆，入面仲保留住少少柔软嘅口感，系层次感十足嘅质地！香草同蒜蓉嘅比例掌握得非常好，蒜蓉牛油味道超级浓郁。😋🍞胡麻酱稻庭冷乌冬 🍜🌿乌冬口感烟韧但唔会太实，配埋超级浓郁嘅胡麻酱，啲酱都好多，芝麻香味完全渗入面条度，每啖都非常浓香。再加上面头有蟹籽、蟹柳、中华沙律，真系好满足！🌟🍶蒜蓉烧广岛蚝（2只） 🦪🔥非常豪华！大大粒，蚝肉厚实得嚟一啲都唔腍，咬落去鲜甜又多肉。蒜蓉嘅香味好浓，但唔会掩盖蚝本身嘅鲜味，仲带少少烧烤嘅烟熏香🏆🐚豚肉节瓜波板糖 🐷🍡猪腩肉外层烧得微微焦香，唔会太腍但又保留节瓜嘅清甜同水份。咬落去猪腩肉同节瓜味完美融合🎨✨