一幻拉麵 (已結業)

平时晏昼食lunch呢一间拉面馆长期排队，一直都好想试。咁啱前两晚大少问食拉面好唔好，我就话不如去食一幻。一入到面馆里面，已经闻到好香嘅虾汤底嘅味道。闻到嘅香味已经令我更加肚饿。等咗5至10分钟就已经有位啦。我哋梗系点左呢间铺最出名嘅招牌虾汤拉面。饮落去，虾汤味好重，唔系稀流流，真系唔同平时拉面馆嘅豚骨汤底。叉烧糖心蛋同埋拉面就冇乜特别，同平时其他拉面馆嘅差不多，最吸引我嘅仍然都系个虾汤底。另一样令我喜欢嘅事情就系佢有得少面，我唔需要夹硬食晒一个面，又或者食唔晒，浪费食物。