The Pudding Nouveau (已結業)

一直都听朋友讲大坑好多好野食，但自己对该区又唔熟识，难得朋友得闲，就相约去大坑揾好野。经典英式早餐丰富嘅All day breakfast, 有多士、薯饼、香肠、杂菌、炒蛋、烟肉和沙律菜等等，当中食材都都煎炸过，香口而不感肥腻。虽然平时朝早无乜机会食倒咁丰富嘅早餐，但夜晚食返都几满足﹗法式油浸鸭腿配窝夫法式鸭腿嘅外层又松又脆，而内里鲜嫩多汁带有咸香，食嘅时侯把跟太阳蛋一齐食，感觉几特别。若觉得太咸，可以点少少蜜糖酱把咸味中和，亦有另一番风味。 杂莓乐园窝夫新鲜焗起，又香又脆嘅窝夫，配上杂莓同埋自家制嘅雪糕球，味道酸酸甜甜，清新开胃﹗士多啤梨冰沙用上新鲜士多啤梨来打，饮嘅时喉有啲细细粒嘅士多啤梨核，甚有口感。岩晒而家啲咁热嘅天气。铺头虽然唔算特别大，但坐位摆设都唔会迫夹，环境舒适宁静，最适合同朋友倾计，见到menu仲有好多甜品都好想试，下次有机会一定会再黎。