澳門茶餐廳 (已結業)

师傅记得几年前黎过呢度食野之后, 已经好耐冇再光顾, 记得当时食物美味非常, 未知今次有否当年水准? 由于当年师傅仍然未写食评, 所以寻晚特登黎呢度食晚饭, 顺手写番个食评先!差唔多八点半, 两个人去到已经唔使等位, 好快就可以入座! 商量一阵后决定叫一个澳门炒米粉, 萄式干煎免治牛肉饭同埋泰式炸虾饼!澳门炒米粉最快送上, 卖相都几吸引, 澳门炒米粉有虾仁, 火腿丝, 鸡肉等连米粉一齐炒, 味道可口, 感觉有点儿似西炒饭, 不过米粉唔够干身, 湿左少少, 呢个要扣一扣分; 泰式炸虾饼一碟有五件, 虾饼口感一般, 炸得唔够脆, 但就颇油, 好普通下; 萄式干煎免治牛肉饭系同饭分开上, 干煎免治牛肉有一只荷包蛋同一块餐肉, 而免治牛肉连埋薯仔一齐干煎, 免治牛肉都几入味同埋几松身, 不过就几油下, 而加埋薯仔就特别觉得干, 再连埋饭一齐食就干上加干, 一般!总括黎讲呢几道菜真系好普通下, 未知系味师傅唔识叫定还是本身系咁样喇, 感觉就不及当年水准, 师传觉得呢间食店仲差过港式茶餐厅, 莫非澳门货不及本地货? 但价钱唔平架, 一碟炒米都要$45, 一碟饭又要$45而虾饼就$28, 好味就冇所