Oh My Cow (已結業)

惊闻宜家个葵涌广场变到成个food court咁，今日开饭，就特登嚟咗葵涌广场朝圣，果然场内经已化身成多条食街，款式众多既扫街小食，每款都十分吸引，尤其做酸辣粉𠮶啲档口，面前𠮶几兜配料十分以样，感觉犹如置身大陆，绝对叫我按捺不住。四川麻辣红薯粉，三𩠌28蚊，个面底我转咗粉皮，不另收费，面头劲多莞茜，爱茜既胖侣大叫爽皮，粉皮爽滑Q弹，同川味不嬲都系绝配，味道够麻够辣，相当满足；三𩠌方面拣咗云耳，鸡丝同猪肚，啲𩠌份量都唔少，我地食到一半想加辣事头婆都好好招呼，无嫌我地烦，good choice。