十二味不只是烤魚 (已結業)

识几个天南地北嘅好朋友，以前读书就系学校聚，出左黎，就冇咁就脚了，恰好红磡都算系大家屋向内投射嘅中心点，变左好多时候都会黎红磡揾野食。好在红磡又系多野食嘅，如是者比我地聚左几百万次都唔厌。这次就黎左挑战辣野，食十二味不只是烤鱼，说实话，有小部份系比个名吸引而来，不只是烤鱼，那除了烤鱼之外还有甚么特别野食呢? 烤鱼方面，可以选鱼，选辣，选配菜。鱼就有四种，我地拣左江团鱼，因为好似出面好少见到有得食咁。辣就拣左招牌香辣味道。不过保险起见，只选了小辣。跟住配菜，我地就拣左豆芽，豆腐，金菇同宽粉等。除左依味鱼，仲喊左个菜，就系家常干煸四季豆，同埋一人一碗饭。江团鱼比较少食，感觉鱼肉几滑，而滑中带点爽，并不是极度腍身。香辣嘅鱼肉好惹味，而且小辣都其实几辣下。热辣辣嘅烤鱼用来送饭一流。配料方面，推介豆芽同金菇，食辣野配合埋爽脆口感真系唔错..相比起烤鱼，四季豆就显得平平无奇了。虽然也干煸得香口，但已经被烤鱼香辣攻陷味蕾的我们，就不太有动力再战了，最后竟吃剩了不少！