十二味不只是烤魚 (已結業)

踏入夏季, 又系开始Keep fit嘅时候。今天约左老友放工去天后集合, 食少少野再去游水。🏊经过清风街时我地被呢个咁有特色嘅门面同个店名吸引左过去。😃虽然我同老友都唔算好食得辣, 但对佢地推介 No.2 新疆大盘鸡 同 No.3 烤羊肉串好有兴趣, 所以决定入去医医肚再去游水。😋十二味不只是烤鱼是一间川菜店, 但装修完全唔似一般中菜馆, 设计用鱼做主题, 亦有用灯光营造效果。座位好宽敞舒适, 店入面通风效果好好, 虽然有唔少枱都食紧烤鱼, 都唔觉有好大阵味。😙用鱼布置嘅墙。🐟水杯都好有特色。🍵由于我地唔太食得辣, 所以我地点左几样店员推介唔太辣嘅食物。其中见到推介 No.2 嘅新疆大盘鸡做紧特价$88, 除此之外我地点埋 No.3 烤羊肉串, 炸鲜奶同巴蜀烤茄子。烤羊肉串一碟有3串, 羊肉肉质软腍, 多汁又入味, 非常惹味之余最紧要唔太辣。👍巴蜀烤茄子有惊喜, 调味调得好好, 烤得好香, 肉质好滑感觉有d似鲜鱼肉, 茄子原只上, 比想像中大只。😋新疆大盘鸡果然系推介嘅必食招牌, 鸡肉好鲜嫩, 薯仔煮到好腍好够味, 仲有我喜爱嘅青椒。$88咁大碟坚抵。👍原本冇谂住食咁饱, 不过大盘鸡嘅