影片
更多
2017-10-06
583 浏览
钟意食川菜既我，最近试过一家小店既干锅之后就对佢念念不忘，之后就四周围揾同类型既野试下啦。位于天后兴发街既「十二味不只是烤鱼」，门面非常有特色，店外有一幅七彩缤纷既墙，内在环境以鱼为主题，座位都好宽敞，通风效果唔错，唔会有好大阵油烟味。餐牌上选择好多，因为想试多D唔同既菜式，所以都唔想叫太多易饱既食物。川式口水鸡口水鸡辣味适中，不过闻落好香，鸡肉都好嫩，加埋香脆既花生，令人一件接一件咁食。麻辣猪耳切至幼身既猪耳，入口非常爽，麻辣并重，食落好刺激，加埋芫茜同埋花生，口感同味道都非常丰富。闷炖儿麻辣香锅既然呢个香锅系招牌菜，又点可以唔试下呢? 香锅有好多料，田鸡、 鱿鱼、鸡胗、虾、莴笋、土豆条同埋午餐肉，当然唔少得大量辣椒啦，初初见到咁多辣椒都有D惊个锅会好辣，好彩最后唔单止辣度适中，入口仲好惹味添。鸡丝随便凉面见到餐牌上鸡丝随便凉面，令我谂起，究竟整一味凉面可以点样随便法呢? 好奇心底下决定叫黎试下啦。上菜后发现佢一D都唔随便，仲好有心烹调添。鸡丝加埋凉面，配埋香滑既花生酱同埋青瓜丝，入口凉凉地，系呢D天气食就真系最舒服啦。巴蜀烤茄子原条茄子开边后加入巴蜀风味嘅香蒜同埋辣粉再拎去烤，上菜
位于天后兴发街既「十二味不只是烤鱼」，门面非常有特色，店外有一幅七彩缤纷既墙，内在环境以鱼为主题，座位都好宽敞，通风效果唔错，唔会有好大阵油烟味。
餐牌上选择好多，因为想试多D唔同既菜式，所以都唔想叫太多易饱既食物。
川式口水鸡口水鸡辣味适中，不过闻落好香，鸡肉都好嫩，加埋香脆既花生，令人一件接一件咁食。
麻辣猪耳切至幼身既猪耳，入口非常爽，麻辣并重，食落好刺激，加埋芫茜同埋花生，口感同味道都非常丰富。
闷炖儿麻辣香锅既然呢个香锅系招牌菜，又点可以唔试下呢? 香锅有好多料，田鸡、 鱿鱼、鸡胗、虾、莴笋、土豆条同埋午餐肉，当然唔少得大量辣椒啦，初初见到咁多辣椒都有D惊个锅会好辣，好彩最后唔单止辣度适中，入口仲好惹味添。
鸡丝随便凉面见到餐牌上鸡丝随便凉面，令我谂起，究竟整一味凉面可以点样随便法呢? 好奇心底下决定叫黎试下啦。上菜后发现佢一D都唔随便，仲好有心烹调添。鸡丝加埋凉面，配埋香滑既花生酱同埋青瓜丝，入口凉凉地，系呢D天气食就真系最舒服啦。
巴蜀烤茄子原条茄子开边后加入巴蜀风味嘅香蒜同埋辣粉再拎去烤，上菜时香喷喷，入口相当惹味，可惜盖过左茄子原有既味道，个人认为调味可轻手一点。
猪猪流沙包呢味猪猪流沙包造型相当别致，虽然包皮比想像中厚，但系奶黄味好香，入口都好松软，不过如果D奶皇可以整得再流心一D咁就更加好啦。
花味冰粉冰粉呢类甜品都系第一次试，卖相似桂花榚，味道甜甜地，加埋轻轻既桂花味，入口清新，食完咁重味既野食返碗就最适合不过啦。
总括黎讲呢度既食物唔错，环境亦都好舒适，睇得出系一间好用心经营既餐厅 ，有机会我一定会再来光顾。
张贴
