影片
更多
2021-09-21
922 浏览
第一次嚟呢度食嘢，佢就说服到我点解我一世都唔应该再踏入呢间餐厅啦🤗真系唔上openrice都唔知原来佢地服务态度一向都咁极品😊所以决定写食评嚟比大家睇下佢地员工有几威威😉攞嚟练EQ就最啱啦🙂 今日同屋企人享呢间嘢食lunch，叫咗个饭同个水煮田鸡。我地唔肯定跟餐汽水点计，就问啲伙记可以攞几多罐嘢饮啦，当时佢地系噉样回应嘅：第一个伙记：我唔肯定㖞，要问吓大姐先第二个伙记：（望咗眼我地枱上嘅碟头饭同水煮田鸡）两个餐咪两罐啰！好，噉我地咪攞咗两罐嘢饮啰。点知食完去比钱嘅时候，发现除咗碟头饭同水煮田鸡之外仲有10蚊汽水钱㖞。所以我地咪问一句：乜唔系跟餐包嘅咩？我地明明问咗伙记话我地有两罐汽水🤔。跟住嚟料啦：个Cashier 不停爆晒粗噉闹我地话边有可能一个餐有两罐嘢饮（但我地从来都冇讲过我地觉得一个餐有两罐🙄我地系惗住稳阵起见问店员我地噉样叫可以攞1罐定2罐，结果中伏🙃）就算我地解释咗话系问伙记嘅时候伙记噉讲，个Cashier唔单止系不停噉继续闹我地，仲扭曲我地嘅意思，完全无惗住听我地讲嘢，只想靠声大夹恶嚟闹爆、冤枉我地。噉最后系点样收场呢？我地话：我地唔介意比埋𠮶10蚊汽水钱，不过你道歉先，
[事发经过]
今日同屋企人享呢间嘢食lunch，叫咗个饭同个水煮田鸡。我地唔肯定跟餐汽水点计，就问啲伙记可以攞几多罐嘢饮啦，当时佢地系噉样回应嘅：
第一个伙记：我唔肯定㖞，要问吓大姐先
第二个伙记：（望咗眼我地枱上嘅碟头饭同水煮田鸡）两个餐咪两罐啰！
好，噉我地咪攞咗两罐嘢饮啰。点知食完去比钱嘅时候，发现除咗碟头饭同水煮田鸡之外仲有10蚊汽水钱㖞。所以我地咪问一句：乜唔系跟餐包嘅咩？我地明明问咗伙记话我地有两罐汽水🤔。跟住嚟料啦：个Cashier 不停爆晒粗噉闹我地话边有可能一个餐有两罐嘢饮（但我地从来都冇讲过我地觉得一个餐有两罐🙄我地系惗住稳阵起见问店员我地噉样叫可以攞1罐定2罐，结果中伏🙃）就算我地解释咗话系问伙记嘅时候伙记噉讲，个Cashier唔单止系不停噉继续闹我地，仲扭曲我地嘅意思，完全无惗住听我地讲嘢，只想靠声大夹恶嚟闹爆、冤枉我地。
噉最后系点样收场呢？我地话：我地唔介意比埋𠮶10蚊汽水钱，不过你道歉先，因为你地误导咗我地。之后个Cashier大爆发仲除！埋！口！罩！噉话：道咩歉呀！我宜家唔_收你𠮶10蚊呀！睇清楚呀，冇收你𠮶10蚊呀！
.
［结论］
服务态度：简直就系全东涌No. 1🤗👍店员永远是对的😉个客有问题想问？爆粗闹咗先啦，反正一定系个客错😊
环境：大排档卫生程度一般都预咗。
食物：普通碟头饭，份量多。所谓水煮田鸡，食落似系用火锅底料做汤底，啲菜超老。整体食偏咸。不过我同我屋企人食完番到屋企后都有啲肚痛🙈自行决定呢间嘢值唔值得你去尝试啦。如果系惗住去嘅，祝你好运💪🏻
张贴