漁八•壽司

营业中

休息中

自从发现咗屋企附近有一间不错嘅日本料理小店，我就每个星期都起码嚟买一次外卖如果堂食嘅话只有3张櫈，坐响商场走廊上，所以眼见其他顾客一般都系外卖多。 佢地最出色嘅系三文鱼腩寿司同珍宝带子寿司～价钱唔算贵，三文鱼腩嘅寿司算系惊喜价厚切三文鱼腩寿司，真系好厚切好肥美，我觉得比好多其他寿司店出色。而且佢地用嚟做寿司嘅部位，同三文鱼腩刺身嘅部位系唔同嘅～ 做寿司嘅更肥美，每次必点几件。珍宝带子虽然要$35一件，但系佢片带子好大件，其实个size系可以分开两粒做两件寿司😍 所以都算抵食，而且粒带子非常甜美！推荐！蟹子沙律$25，唔算好大份，胜在多蟹柳同蟹籽，而且可以选择胡麻酱或沙律酱～ 所以每次都会叫另外一提小店仲有热食，例如鳗鱼饭、吉烈猪扒咖哩饭等等，即叫即做，味道都ok。不过相比寿司，我还是钟意食佢地嘅寿司多啲。