安平燒肉

营业中

休息中

几年前刚开业就已经有帮衬，当时真系多人到怕，不设订位要一早黎拎筹。事过境迁过咗几年终于冇咁多人，衬假日中午就来食个午餐放题。好好彩因为我哋早到，唔使等位就有得入座，仲俾咗一个四人枱我哋，两个人坐得非常松动，自然食得都开心食物都好味啲😂。佢嘅质素我觉得比起几年前系有进步到。呢间嘢嘅卖点系有好多不同嘅台式小食，以前记得好多嘢上枱都系冻嘅，但佢而家有进步，啲嘢仲系热辣辣，比印象中系进步咗好多。佢依然系有四个Level我哋拣咗Level3，有扇贝同埋虎虾，牛亦都多咗好多款（例如有安格斯牛小排，美国SRF极黑牛，三角牛肩肉），净系食呢几样都已经够。虎虾好大只烧起上嚟好好肉劲好食。扇贝亦都系劲大只加埋啲牛油真系香喷喷又啖啖肉，对于钟意食海鲜嘅我来讲，真系啱晒口味，前前后后我食咗十几只虎虾同扇贝😂讲返啲牛肉，我觉得最好食系三角牛肩肉同埋安格斯牛小排，又系encore左好多次。肉质鲜甜有牛味，而且都仲好柔嫩，厚薄亦都适中。