HELLO Kitchen

营业中

休息中

未行入间餐厅，净系见到黑色玻璃门，感觉还好，入到店内，装修一般，我地两个人，所以佢安排我坐近门口位置，但未坐低，我老公已话好多乌蝇仔㖞⋯⋯，咁我向店员表示想掉位，佢都ok礼貌嘅，坐低之后就叫咗两份F餐安格斯牛扒 配薯菜同埋两杯冻咖啡，佢问我几成熟，就话7成，黎咗两个蕃茄汤，啲汤淡而无味，啲色好清，明显材料不足及落咗少许糖增加味道，另外𠮶杯咖啡简直惊为天人，无奶香味无咖啡味，只得甜味，我𠮶杯走甜老公𠮶杯正常甜，但出黎嘅味系完全一样，唯一分别系佢热热地我冰嘅，最奇系佢冰分开上，虽然我知有啲靓餐厅会咁做，但佢已经咁淡仲落乜鬼冰⋯⋯好啦，等到佢上主菜黎，真心吓亲我，薄切到一个点，大约得0.3cm左右，咁你做咩问我要几多成熟？个薯条未炸透，个心仲未热，啲菜就真系白烚⋯⋯我未试过食西餐可以差到咁，真心难食到觉得不可思议，最后佢个冷气位系会滴水嘅，卫生环境差，奉献大家不要去帮衬，除非佢有勇气想试劣食或者你见到佢食评改善咗就另计。补充返，我见另两枱嘅人都系叫Burger，个样唔错几掂，但味道就唔清楚喇。