影片
更多
2022-05-18
79 浏览
天气成日落雨湿笠笠，所以就谂住去打个边炉暖吓个身体，去到佐敦呢间餐厅直接叫「打边炉」几有趣。呢轮身体比较夜瞓，所以嗌咗个椰汁鸡煲汤底滋润下，估唔到个煲上枱鸡肉仲系全生嘅，服务员会系你面前煎香鸡肉加埋一啲配料，之后会赞酒爆香晒所有材料，跟住加一个新鲜嘅椰青及高汤煮熟。哇！奶白色的汤底闻到已经非常清香，入口清润有好多椰青肉，因为有用酒爆香，所以配料都充满香味。前菜叫咗个响铃可以点酸辣汁或者打边炉食，同埋叫咗个风沙粟米，等上菜嘅时候食就啱啱好。配料当然嗌咗手切肥牛肉，牛肉雪花均匀，入口即溶，肉味正常。之后叫了梅菜猪肉丸，有啲似肉饼嘅感觉配埋猪肉丸，几好味。爆浆嘅虾丸，丸里面有啲流心系咸蛋黄，所以食嘅时候要小心啲，虾肉新鲜弹牙，咸蛋香几惹味。西洋菜饺子，里面有啲带子粒，比平时多一种鲜味。跟住叫咗个杂锦菜，两个人食都好饱，最紧要个汤底非常够味，基本上都唔使点样点豉油。另外叫了支装嘅竹蔗茅根同埋薏米柠檬水，打边炉嘅时候不妨滋润吓，个人就唔使咁燥！
哇！奶白色的汤底闻到已经非常清香，入口清润有好多椰青肉，因为有用酒爆香，所以配料都充满香味。
前菜叫咗个响铃可以点酸辣汁或者打边炉食，同埋叫咗个风沙粟米，等上菜嘅时候食就啱啱好。
配料当然嗌咗手切肥牛肉，牛肉雪花均匀，入口即溶，肉味正常。
之后叫了梅菜猪肉丸，有啲似肉饼嘅感觉配埋猪肉丸，几好味。爆浆嘅虾丸，丸里面有啲流心系咸蛋黄，所以食嘅时候要小心啲，虾肉新鲜弹牙，咸蛋香几惹味。
西洋菜饺子，里面有啲带子粒，比平时多一种鲜味。
跟住叫咗个杂锦菜，两个人食都好饱，最紧要个汤底非常够味，基本上都唔使点样点豉油。
另外叫了支装嘅竹蔗茅根同埋薏米柠檬水，打边炉嘅时候不妨滋润吓，个人就唔使咁燥！
张贴
