芝加哥串燒酒場 (明雲閣)

今年虽然唔庆祝姥姥诞，不过老公话饭都系要食既，不如去好耐无去既元朗食饭啦！就咁我哋就入元朗买野俾狗狗后，发现原来元朗都有芝加哥😁。我哋点左：鸡皮 - 每次都一定会点既～好大块， 超薄又脆，咬落既卜卜声真系好吸引。加左少少盐调味，好惹味。即烧乳猪 - 咁得意，竟然有乳猪，就试下啦～热辣辣，块皮仲香脆过去饮宴时食既乳猪，正呀喂！招牌无骨白鳝无骨食得好爽，皮超级脆，肉质弹口，鳝味鲜。黑毛猪腩肉串黑毛猪肉味浓郁，咸中带微甜。烧猪大肠洗得干净，弹牙肥美，带少少辣，无得输👍🏻招牌鸡皮墨鱼滑外面既鸡皮脆又带油香， 里面既墨鱼滑重墨鱼味，爽口弹牙🥰招牌烧茄子舖满蒜粒和葱粒既茄子，好「林」、好软、好香， 充满著蒜香和葱香既茄子特别吸引。鲜秋葵加左大漠孜然粉，令平时食开既秋葵有另一翻风味。日本博多鸡皮超大碟，而且旧旧卜卜脆，有啲似食紧泰国既炸猪皮，但多左鸡油香，好食好多😁京葱见到串京葱咁粗就知靓京葱，京葱控不能错过， 咬落仲脆口，而且京葱味超级浓。加上调味粉，锦上添花。麻辣薯条（少辣）一见到系粗薯条已经加分，配上麻辣粉，波浪既身型能够吸收更多既麻辣，喜欢麻辣既朋友一点要点😘食串烧点可以少左酒精～Chica