金蘭花泰國菜 (已結業)

岩岩旅行返黎，仲倒紧时差，朝早起身已经系晏昼....😓突然醒起今日约左朋友食饭，朋友安排左佢成日都食既泰菜- -金兰花。非常对胃口，佢知道我出门在外多日，专登揾我最爱的泰菜。餐厅虽然唔大，但坐得舒服，枱与枱之间系有晒空间感的。串烤系必须要食的菜式之一，尤其推荐猪仔肉串烧，猪仔肉够味，肉质嫩滑，偏大块，酱料有少少辣，烤肉串泰味十足，过晒牙瘾，医肚一流。猪仔肉不肥，肥瘦适中。酸辣椰汁鸡汤：原本以为只是汤，结果发现料多到变成一道主菜咁，昵道菜有惊喜！椰汁浓郁，有独特的泰式香料味，菇又带起鸡的鲜，同时鸡又令菇不单调，所以整个配搭都令人很意外的喜欢！菠萝炒饭，配料多，菠萝很fresh,肉松腰果炒得好香口，可惜饭身比较湿，我地比较钟意干爽d既炒饭，所以如果可以炒得干爽d就会更好味的。泰式黑椒炸猪手猪手脆皮无敌脆，好香，沾上酱汁，味道一流。猪手都算多肉，黑椒令猪骨更有味。难得约朋友吹水，饮返杯野倾下计，呢间泰式餐馆系不错的选择。