堅韓牛韓燒放題 (已結業)

喺旺角揾食拣左呢间坚韩牛韩烧放题。店内甚具韩国食店风格，虽然枱櫈较旧，但更加有韩国𠮶d由呀猪妈自家经营嘅特色小店，比人感觉舒适自在。放题价格有大众化亦有极尚价钱，本来都谂住拣中间价钱都够，但好想食日本和牛，所以都拣左level3。食物种类都几多，除左烧肉外亦有刺身、前菜、沙律、热食、炸物、火锅等。刺身：三文鱼、北寄贝、甜虾，三文鱼系厚切，啖啖肉，冇筋唔腥又新鲜；甜虾几鲜甜；北寄贝口感嫩滑爽弹。沙律：和风三文鱼沙律，沙律菜同三文鱼都好新鲜配埋个酱汁非常开胃，烧肉期间都比较heavy，叫个相对比较light嘅沙律中和下都唔错。热食：烤香肠好好食，少少甜带d酒香味；而黑椒一口牛粒本来系好食，黑椒味香浓，牛粒炒得唔干身。但食左烧和牛，完全觉得今晚肚子个位唔可以容纳佢。炸物：炸物都炸得好香脆，又唔会太油腻。期待食嘅炸鸡肉洋葱圈，感觉食唔到洋葱，比鸡肉口感霸左。不过炸鸡几好，肉质juicy,味道刚好唔会咸。烧肉：相比下我觉得餐厅提供烧嘅食材选择较多，有唔同国家嘅肉肉，日本和牛、韩国牛肉、澳洲和牛、安格斯牛同西班牙黑毛猪，仲有水产、串烧包括爆脆墨鱼咀、鸡肾串、鸡皮串等。爆脆墨鱼咀：几爽口，但我地落得