隨然有機玄米菜食料理 (已結業)

同朋友成日大鱼大肉, 朋友就建议不如食素食, 对于素食餐厅选择无概念既我, 就系openrice睇到呢间未试过既素食餐厅。一踏入餐厅已经有种心灵洁净既感觉, 尤其是以木制简洁风格令人心身舒放, 空间感几大。餐厅以自助形式运作, 即系自己点餐, 因此唔洗收加一, 以尖沙咀食饭黎讲都少见, 饮水拎餐具自己搞掂~~~店员推介新出既自家制日式咖哩饭~估唔到咁大份, 饭系加左糙米饭但食落又无糙米果种硬感, 煮得好软熟! 而咖哩汁同平时食落好唔同, 食落似系黄姜粉为主既微辛口感, 少左平时咖哩既甜/油腻/杰身, 就系单纯辣辣地既汁, 食落好轻盈无负担, 𩠌有秋葵、茄子、天贝、南瓜等, 天贝脆身(系炸架吗哈哈?) 好特别~虽然无肉但食落都饱肚因为好多饭~洋食:蕃茄长通粉蕃茄酱天然带酸甜, 长通粉同出面食既口感唔同, 偏硬身但带烟韧, 好少可食到呢种质感既通粉! 令我不知不觉不停咁食LOL 南瓜焗藜调味好少, 完全系天然既感觉, 好适合想健康饮食既朋友~而且环境清幽宁静 我同朋友坐左好耐都无比人赶XDD最后食左无蛋奶既朱古力慕士，比想像中浓又甜，口感滑顺，几有惊喜喔