泰國路邊街美食

营业中

休息中

我同男朋友间唔中就要食下泰国餐顶下瘾，去亲九龙城都系食个几间，今日有朋友介绍我去新野试下，佢地粉面好正宗下，重点系每款面汤底都唔一样。 烧猪颈肉($50)本身见餐牌有只腌猪颈肉，但系第一次试都系稳阵D叫左个烧试下，猪颈肉处理方法同之前食开既有唔同，唔会加太多腌料，肉质好爽口，外层似烧肉甘，好香口。 鸭河粉汤底好似系泰国当地食个种味道，鸭肉够滑，有5,6旧，配菜有只蛋同芽菜，简简单单，感觉似去左泰国小店食紧野甘。 椰青($25)清甜解渴，最重点系椰青入面白色椰肉，第一次食到甘滑口，朋友话呢个椰青水甘甜，椰肉都一定好食，食到最后，我用只汤匙起势甘挖。