影片
更多
2009-11-10
22 浏览
8-11-2009食面打底后, 嚟到九龙城广场的新店试试佢的西式甜品.「甜之迷西式并盘」($53): out of 好多款可自选 3 款, 我哋就要了 New York cheesecake, creme brulee 及炸雪糕... 焗制的 New York cheesecake 质地似 chiffon cake 多 d (!), 食落芝味够, 带少少酸 (sour cream?), 感觉轻盈, 不过唔算好好食; creme brulee 就做得几好, 面头焦糖脆薄香甜, 下面的 custard 就十分滑溜, 带 vanilla 香蛋香, 不比(当年的)「小店」 (http://www.openrice.com/restaurant/commentdetail.htm?commentid=1885193) 差呢 炸(芒果)雪糕卖相劲似炸虾饼 xD, 不过呢个几惊喜 -- batter 薄薄一层, 炸得松脆又唔会食到成口粉的感觉, 雪糕够晒冻, 炸完后完全无溶 / 想溶的「意欲」, 但又唔会过硬, 芒果味亦算自然, 不错㖞 流心朱古力汤丸配玫瑰甘露 ($20):「玫瑰甘露」系带淡
食面打底后, 嚟到九龙城广场的新店试试佢的西式甜品.
「甜之迷西式并盘」($53): out of 好多款可自选 3 款, 我哋就要了 New York cheesecake, creme brulee 及炸雪糕... 焗制的 New York cheesecake 质地似 chiffon cake 多 d (!), 食落芝味够, 带少少酸 (sour cream?), 感觉轻盈, 不过唔算好好食; creme brulee 就做得几好, 面头焦糖脆薄香甜, 下面的 custard 就十分滑溜, 带 vanilla 香蛋香, 不比(当年的)「小店」 (http://www.openrice.com/restaurant/commentdetail.htm?commentid=1885193) 差呢 炸(芒果)雪糕卖相劲似炸虾饼 xD, 不过呢个几惊喜 -- batter 薄薄一层, 炸得松脆又唔会食到成口粉的感觉, 雪糕够晒冻, 炸完后完全无溶 / 想溶的「意欲」, 但又唔会过硬, 芒果味亦算自然, 不错㖞
流心朱古力汤丸配玫瑰甘露 ($20):「玫瑰甘露」系带淡淡花香的糖水, 不过甜度稍高; 朱古力汤丸够流心, 甜度刚好, 朱古力味亦比想像中浓郁, 货色不错㖞.
心太软配雪糕 ($33): 够热, 蛋糕焗得有点脆口, 朱古力味香浓; 流心度够, 朱古力浆味道一样香浓, 甜度 ok; 配上同炸雪糕一样咁冻, 一般香但几滑的呍呢嗱雪糕, 加上我阿妈又喺度, 清碟当然无问题.
见好似唔多够喉, 追加了一份要等 20 分钟的即叫即焗原味梳乎里 ($34): 发到好高好大 , 蛋白 fluffy 轻巧, 不过感觉较单调, 而且好甜, 我都系钟意 lunch 食𠮶间的出品多 d.
食物不错, 环境装修就十分 young 又型格, 似 lounge 多过 restaurant! 店员们礼貌又几友善, 服务亦不错.
连加一每人约 $50, 唔平, 但物有所值的. 好嘢, 「小店」以外又多个有水准的甜品落脚点, 下次试试「港式」/ 中式的睇吓又如何?
张贴
