逸翠軒點心專門店 (已結業)

搬家过后仲未熟习环境，但都要四出揾食。今次揾到「逸翠轩点心专门店」之前系尖沙咀见过，竟然开到去长沙湾青山道305号地下。上网睇报导话「 逸翠轩点心专门店」用十足靓料点心闻名，近期晚市推出麻辣鸡煲火锅放题+点心拼盘，都系$168包任点火锅配料同饮品任饮，咁抵食点可以错过。先参观一下有咩好饮，走到雪柜不单有罐装啤酒汽水仲有椰汁珍珠奶，好特别呀～点都要饮番杯，果然椰汁珍珠奶好有椰子香，仲唔太甜，好好味，抵赞!跟住麻辣鸡煲上台，份量有成只鸡咁多，超多而且味道够晒麻辣，惹味香浓。食完鸡煲再嚟加汤再打边炉，因为鸡煲份量太多，今次叫下肥牛，鲜虾，丸类同蔬菜。火锅配料都好新鲜，下次真要带多几位朋友一齐嚟大擦一餐。至于点心拼盘，每人一笼有烧卖、 潮州粉果及韭菜饺，点心水准很好，似自家制味道很不错。其实仲有其他点心，款式十分多，平时嚟饮杯茶食个点心都可以。整体上「 逸翠轩点心专门店」 抵食好食，环境舒适又阔落，性价比极高，回头率十分高。