聖安娜餅屋 (慈雲山中心)

营业中

休息中

见到圣安娜推出左新蛋糕，仲要系D24榴梿蛋糕，我呢个榴梿控就梗系想试下佢啦，去到饼店，见佢写原价要买$298，但如果系VIP就可以优惠价$253.3就可以买到一磅榴梿蛋糕，虽然感觉有点贵，但都系敌不过榴梿既诱惑，都系订左个返屋企。但后来饼店话榴梿冇货，所以整唔到蛋糕，叫我安排退钱，后来去到饼店佢又话返到货，叫我明天可以取，咁我又等多一天，终于蛋糕到手了，真开心！一家人食完饭后就拎个榴梿蛋糕作甜品，一打开就已经闻到好大既榴梿香，当然快快地切饼可以品尝一番啦。但系食落口又唔系想像咁好食，榴梿肉唔算好多，我觉得忌廉多过榴梿，榴梿味道亦唔系想像咁浓沃，都几失望下，如果二百几蚊咁既质素，我又觉得唔系太值，但如果只系想试下新口味既，都可以试下既。