Shadowman Cyber Cafe (已結業)

同男友嚟食lunch，要了两客set lunch：我要了一客咖哩碎牛肉炒饭(38蚊) - 饭炒得干身，有淡咖哩味，有少少牛肉碎，都算几大碟，不过味道唔错所以清哂。男友要了一客cajun butter汁鸡扒跟饭(42蚊) - 因为我唔钟意cajun 汁，所以只试了一小块鸡，鸡扒都算滑，煎得唔错，不过好似唔系好够热。跟set lunch有汤，个汤就真系好麻麻，要全唔知系乜汤，又唔似白汤，试到少少薯味...见到有杂菜粒不过切得好好好碎(只系见到橙黄绿点点喺个汤入面)，texture又唔得，仲要差不多食哂个饭先嚟汤，早知唔要都得。另set lunch要冻饮要加5蚊，好似贵咗啲...是日餐厅lunch time full哂，连老细都有三个人喺楼面，不过见佢哋都好忙，因为好多枱都追嘢食/饮...老细系时间谂吓请part time帮手喇。